«Lili perdeu un libro da biblioteca e sabe que iso ten unha consecuencia: un mes sen sacar libros».Lili é unha lectora empedernida. A biblioteca sería o seu lugar favorito do mundo se non fose pola bibliotecaria Agostiña. Todos os venres, Lili vai devolver os cinco libros que leva cada semana para cambialos por cinco novos. Pero un día decátase de que só ten catro. Non atopa o quinto por ningures. A multa? Non poderá sacar libros da biblioteca durante un mes. Poderá Lili soportar todo ese tempo sen ler ou planeará algunha argucia para saltar a norma?Elena Haba e Robert Garcia únense neste álbum para ensinarnos a importancia de loitar polo que queremos.
