Tietheentaije 8 – serie

Sanaparsitten merkityksiä ei mene opet-taa. Sie et saata sanoa lapsile eli raahvaile mikä ilo, mysiikki ja suru on. Ruusun haijua ei mene selittää. Met emmä saata lukemalla oppia kuinka lapsi ymmärtää kieltä. Sen pittää ellää. Olema unhouttanheet mitä kerran tiesimä. Se tieto on viishaus koska se käsittelee verbiä. Sama metafooritten kans. Net on kehittynheet tuhansitten vuositten aikana elämän kovassa koulussa missä sanan merkitys sisältää sen kalvepuolen, joka antaa ymmärystä. Silti suuriin osa ihmisistä on täysin varmoja ette het ymmärtävät kohtapa kaikki sanaparret. Niihin ei tartte viishautta. Miksis niin? Kaikki sanaparret, kuvaukset ja aforismit saavat sen takia yhen yksinkertasen meininkin mudernissa yhteisössä. Alkupe-räinen merkitys menetethään. Sanaparsi kuvvaa kokonaisuutta joka elläää verbiä. Tansija ei ole tansia.