Beatriz Maceda – författare

Iria ten que deixar a cidade onde vive, as súas amigas, o colexio, a praia das tardes do verán..., para mudarse cos seus pais ao campo, a un lugar chamado Malvela. Alí a súa vida semella perder todo o sentido. Mais, pouco a pouco, irá coñecendo unha comunidade de persoas especiais que, dotadas de cadanseu don, van ensinarlle outra maneira de estar no mundo, moito máis consciente. Todas elas teñen en común unha curiosa característica: calzan un zapato de distinta cor en cada pé. Iria descubrirá que ese distintivo é o que identifica os membros dunha sociedade creada en Malvela: «As Sentinelas do Silencio».

Luisa Villalta soubo escoitar o silencio e a realidade que lle tocou vivir e plasmalo na sua obra. Comprometida e coherente, teceu os vimbios dunha sociedade equitativa e igualitaria. Nesta biografia ilustrada, mergullamos nalgunhas das palabras e das musicas que ela ceibou ao vento para achegarnos a unha muller tan polifacetica como fascinante.

«Vencerse é cousa de se tratar.» Este verso da escritora Xela Arias é o xermolo da historia dun grupo de rapazas que son quen de superar todos os atrancos que xorden na súa vida persoal e no instituto grazas á «Teranga» e á riqueza de compartir as palabras que nos definen nas distintas culturas. Aquel fora un curso escolar inesquecible para todas, porque o amor, o compañeirismo e o traballo en equipo lograran vencer fronte ás persoas que non entenden que na diversidade está a mellor das riquezas. E tamén porque formaran un grupo musical, Seneregue, que as unira para sempre.

Begona Caamano, a escritora homenaxeada nas Letras Galegas de 2026, foi unha muller excepcional que fixo da palabra un acto de rebeldia e sororidade. Nesta biografia novelada, catro voces miticas -Circe, Penelope, Morgana e Xenebra- reunense para narrar a vida desta autora fundamental, desde a sua infancia en Vigo ata o seu papel clave na cultura galega contemporanea. Xornalista, activista e escritora, Begona Caamano loitou pola igualdade, a dignidade e a liberdade nunha Galicia en transformacion, tecendo redes de amizade e compromiso. Un relato apaixonante que nos convida a descubrir a forza da amizade, a importancia da memoria e o poder das mulleres que, como Begona, lles devolveron a voz as esquecidas.