Emma Pedreira – författare

Besta do seu sangue relata, con grande orixinalidade, unha historia inspirada na figura e no mito de Blanco Romasanta desde unha vision que propugna unha revision de xenero. Disposta como un conxunto fluido de microunidades narrativas, na novela conviven os rexistros culto e coloquial para vencellar as voces participes da historia e da creacion do mito nacido arredor da persoa que foi considerada a primeira asasina en serie da nosa historia. A obra supon unha proposta transgresora e fragmentaria que se caracteriza por esa multiplicidade de voces, polo seu esencialismo narrativo e por exhibir diversos rexistros para abordar o tema da licantropia desde unha perspectiva de xenero. Narrada desde unha linguaxe poetica, ao longo das paxinas desta excelente novela, salienta unha atmosfera de desacougo e angustia para abordar o tratamento dun personaxe que bebe das fontes cultas, mitoloxicas e populares galegas para reavivar a figura do lobo e a sua convivencia co ser humano.

Algunhas obras quedan sen título (s/t) cando o autor non é quen de abranguer nunha única expresión todo o espírito definitivo da obra que vén de crear. Pode resultar un labor difícil de máis cando hai que pechar nel unha declaración de intencións e unha síntese. Ás veces a mellor escolla é o silencio. Neste caso s/t significa, ademais, sen terra, e ese demudado título leva a describir todas as perdas, a do espazo e a do tempo, a das coordenadas físicas da infancia nese lugar que xa non será posible se non é a través da palabra e da memoria deformadas pola brétema dos días. Un libro de facer memoria para atopar o inicial e o esencial: as orixes, o xermolo e a raíz, a transición e o transplante, o medrar no dislocado, desposuído xa, sendo o poema a única pegada que ficará despois de que as desaparicións sexan totais e non haxa máis forma de sobrevivir que o intanxible.

L. C. e unha rapaza de quince anos que traballa desde os oito nunha fabrica textil de Londres en plena Revolucion Industrial, onde as nenas escravas son parte da producion en cadea. A vida de L. C. da un xiro cando cae nas suas mans unha carta escrita por Prometea Stoner, unha muller de familia acomodada propietaria dunha cadeira de rodas motorizada, unha saude fraxil, toda unha lenda sobre as costas e unha vontade de ferro. As suas vidas non poden ser mais diferentes, pero ambas as duas buscan a liberdade, a existencia e o reconecemento que a sociedade lles negaba a elas e a todas as suas companeiras.