Leo Trocko – författare

Jen tekstoj de Leo Trocko el la jaroj 1932, 1933-35 kaj 1937.

La unua estas la antaŭparolo de lia libro Labo­rista ŝtato, termidoro kaj bonapartismo, en kiu Trocko provas komprenigi la stalinismajn okazaĵojn en la Sovetunio helpe de historiaj analogecoj de la Termidoro de la Granda Franca Revolucio kaj la sekvanta bonapartismo kaj samtempe dislimi ĝin de evoluoj tiam okazantaj en pluraj burĝaj demokratioj – cetere nur jaron antaŭ la enpotencigo de la hitlera faŝismo en Germanujo.

La dua teksto prezentas la taglibrajn notojn de Trocko pri dialektika materiismo, skribitaj inter 1933 kaj 1935.

La tria teksto estas lia antaŭparolo al la unua afri­kansa eldono de la Manifesto de la Komunista Partio en 1937. Tiu antaŭparolo, malgraŭ sia fina mistakso (kaŭzita ĉefe de la Dua Mondmilito), entenas pensigajn ideojn por la revoluciuloj kaj progresemuloj eĉ en la nuna situacio de la mon­do.

Sep jarojn post la Oktobra Revolucio Trocko, la ĉefa gvidanto apud Lenino dum la Oktobro 1917, bedaŭras, ke tiu granda evento ne estas uzata por politika klerigado. Li prezentas ĉi tie tiujn instruojn kaj ligas ilin kun la amaraj spertoj de la postaj sep jaroj en diversaj landoj. Ili estas eĉ hodiaŭ tre pensigaj.

Tiu ĉi broŝuro entenas la tekstojn de Leo Trocko: Ilia moralo kaj la nia (kun la subtitoloj "Moralaj elŝviigoj", "Marksisma senmoraleco kaj eternaj veroj", "«La celo pravigas la rimedojn»", "Jezuitismo kaj utilismo", "«Moralpreskriboj devigaj por ĉiuj»", "La krizo de la Demokrata Moralo", "La «komuna saĝo»", "La moralistoj de la G.P.U.", "La aranĝo de la politikaj ŝakfiguroj", "La stalinismo - produkto de la malnova socio", La revolucio kaj la institucio ostaĝo", "«Kafra moralo»", "La «malmorala» Lenino", "Instruriĉa epizodo", "La dialektika interrilato inter celo kaj rimedo"),

"Por Grynspan. Kontraŭ faŝistaj pogromklikoj kaj stalinistaj friponoj" (kun la subtitoloj "La stalinista kampanjo; Trovu alian vojon!");

Pri la teroro

La usona pacismo

Arto kaj revoluccio.

Trocko, iom antaŭ ol Rozo Luksemburgo, analizas la returniĝon de la socialdemokratoj favore al la mondmilito, kun la escepto de la rusaj kaj la serbaj socialistoj. En tiu ĉi analizo, li klarigas tiun ŝanĝon ne unuavice per la miskonduto de unuopaj personoj, sed el la evoluo de la objektivaj kondiĉoj.

La dokumento, kiun la maldekstra opozicio prezentis en 1927 al la 15-a kogreso de la KPSU(b) kiel alternativon al la stalinismo. Kromaj tekstoj, de Leo Trocko kaj de aliaj, pri la reala situacio en la USSR en la jaro 1927.