Nuria Diaz – illustratör

Esta noite hai foliada no souto e os animais convidannos a bailar con eles e a descubrir como viven polo ar, pola terra e polo mar. A vacaloura, o morcego, o corrobolas ou o caranguexo tatexo farannos rir e emocionarannos, e tamen faran que xoguemos cos poemas deste divertidisimo animalario de ler a diario, con bicharia da noite e do dia.

No medio do deserto, o Soldadiño de Chumbo, un neno soldado, chanta unha bandeira e coloca un valo de arame xusto onde o mapa marca a fronteira. Do outro lado do valo, Sahara, unha rapaza que foxe da guerra, trata de convencelo de que a deixe pasar, xa que está procurando un pozo onde saciar a súa sede. Peza dun único lance para dous personaxes coa guerra de Siria como pano de fondo, «O valo» propón unha emocionante reflexión sobre a igualdade e a paz entre todas as persoas e comunidades.

«O corazón dos paxaros» é unha alegación contra a caza. Unha historia que abala entre o divertimento e o compromiso na que, a través do humor, a poesía e a musicalidade dos xogos de palabras, se busca pór de manifesto a importancia dos animais e a necesidade dun cambio profundo na nosa relación con eles.

Unha das primeiras correspondentes de guerra foi galega, tamen unha das primeiras navegantes, escritoras ou directoras dun xornal. Este libro fala de doce mulleres que conseguiron vencer as barreiras impostas ao seu xenero e dar os primeiros pasos por vieiros transitados ata ese momento so por homes. Mulleres reais e diversas que no seu dia foron pioneiras en diferentes ambitos e cuxas historias merecen ser conecidas e postas en valor.

A vida de Begona Caamano, a autora homenaxeada nas Letras Galegas 2026, foi un fio extraordinario que se pode seguir nas paxinas desta biografia ilustrada. Desde a sua infancia inventando xogos ata converterse nunha das voces mais importantes da radio, do activismo e da literatura galega, Begona loitou sempre pola xustiza, polo galego e pola igualdade, tecendo redes de amizade e escribindo. Nas suas obras, deulles voz e puxo no centro a mulleres que a literatura deixara nun segundo plano. O fio de Begona rompeu cedo de mais, pero os fios da memoria permanecen e mantenen vivo o legado dunha figura clave na cultura galega contemporanea.